വാക്കുകൾക്കു മുകളിലൊരു റബ്ബർ കഷ്ണം

 വച്ച് പിടിപ്പിക്കണം..

വാക്കുകളേക്കാൾ വലിയൊരു റബ്ബർ കഷ്ണം..

മായ്ക്കുന്തോറും എഴുതാൻ..  

ചാപിള്ളയായി പിറക്കുന്ന അക്ഷരങ്ങളെ

ആരുമറിയാതെ ഞെരിച്ചു കൊല്ലാൻ

നെല്ലായും പതിരായും മാറുന്നവയ്ക്കിടയിലൊരു

 അദൃശ്യ മതിൽ തീർക്കാൻ.. 

അക്ഷരങ്ങളുടെ ജനിതക ഘടന നോക്കി

സംബോധനകൾ നടത്തുമ്പോൾ

പിശകു പറ്റാതിരിക്കാൻ..

വെറുതെയൊരു ധൈര്യത്തിന് 

റബ്ബർ കഷ്ണം നല്ലതാണ് ..

കൂടെയൊരു ബാക്ക് സ്പേസ് കീ കൂടി വേണം..

ഓർമകളെ  ബാക്കടിച്ചു ഡിലീറ്റു ചെയ്യാൻ.

ന്യൂജനറേഷനെ അവഗണിക്കരുതല്ലോ..