Wednesday, 12 March 2014

ഒരു ചിരിത്തുണ്ട് കടന്നു പോയിട്ടുണ്ട്..
ഇമ ചിമ്മി ചിരിക്കുന്ന പൊന്നുമോൾക്കൊരു
നേർത്ത തലോടൽ കൊടുത്ത്..
നുണഞ്ഞു തീരാറായ
ഒരു തേൻ മുട്ടായിയുടെ കഷ്ണം നീട്ടിയ 
പിഞ്ചു കയ്യിലൊരു മുത്തം കൊടുത്ത്  
ഉറക്കത്തിലും ഓർമ്മപ്പെടുത്തലുകൾ നൽകിയവൾക്ക്
ഒരു നോട്ടം കൊണ്ട് യാത്ര പറഞ്ഞ്     
തൈലം മണക്കുന്ന മുറിയിൽ
എണ്ണിപ്പെറുക്കുന്ന 
കാശിത്തള്ളയ്ക്ക്മരുന്ന് കടയിലേക്കുള്ള
നീണ്ട ലിസ്റ്റും എടുത്തു നടന്ന 
ചിരിത്തുണ്ട് മാഞ്ഞിട്ടില്ല
അവസാന തുള്ളി ചൂടുള്ള നിരത്തിൽ
പടർന്നൊഴുകിയപ്പോഴും
അടയ്ക്കാൻ മറന്ന കണ്ണുകൾക്കിടയിലൂടെ
പാറി നടന്ന മണിയനീച്ചയ്ക്കൊപ്പം 
കടന്നു പോയിട്ടുണ്ട്
നിലയ്ക്കാൻ മടിച്ച ചിരിത്തുണ്ട്         

No comments:

Post a Comment